Koordinakundeak egunen batean pobreziarik eta desberdintasunik gabeko mundu batean bizi ahal izango garela espero du. Etorkizuneko mundu horretan, lehentasuna emango zaie justizia sozialari eta eskura ditugun baliabideak era bidezkoan banatzeari; horrez gain, hondamendi humanitarioak modu eraginkorrean prebenitu eta kudeatuko dira. Generoak ez du diskriminaziorik suposatzen duen mundu bat eta bertan bizi garen ondasun komunak eta planeta errespetatzen dira.

Gure helburua da pertsona guztiek gozatu ahal izatea garapen sozial, ekonomiko, kultural eta politikoaz eta herritar guztiek erabil ahal izatea beren bizimodua hobetzeko aktiboki parte hartzeko eskubidea, haien generoa, adina, etnia edo jatorria edozein delarik ere.

Espainiako GGKEen Koordinakundearen helburua bertako kide diren erakundeen arteko sareko lana sustatzea da. Elkarri babesa emanez eta elkarrekin lan egiteko guneak sortuz, lankidetzatik sorturiko egitasmoak indartzen ditugu.

Gure erakundeen arteko elkarlana ahalbidetzen dugu garapenerako nazioarteko lankidetza eraldatzaile baten alde; lankidetza horren bidez, giza eskubideak eta justizia soziala defendatzen ditugu, eta herritar global arduratsu eta parte-hartzaileak sortzen ditugu.

Sektorearen balioak eta eskaerak ordezkatzen ditugu gizartearen, administrazio publikoaren eta kanpoko beste erakunde batzuen artean.